Beynəlxalq Şahmat Federasiyasının (FIDE) prezidenti Arkadi Dvorkoviç Bakıda keçiriləcək Dünya Kubokuna həsr olunmuş mətbuat konfransında şahmat həvəskarlarının turnirdən zövq alacaqlarını deyib: "Belə mötəbər yarışı ərsəyə gətirmək asan deyil. Təşkilatçıların əməyini yüksək qiymətləndiririk. Əminəm ki, şahmatçılar öz qabiliyyətlərini nümayiş etdirə biləcəklər. İnanıram ki, turniri izləyənlər zövq alacaqlar".

O, Maqnus Karlsenin Dünya Kubokundakı şanslarını da dəyərləndirib: "Teymur Rəcəbovdan fərqli olaraq, Karlsen Dünya Kubokunu qazanmayıb. Rəqabət çox ciddi olacaq. Maqnusun bu turnirdə qalib gələcəyinə zəmanət yoxdur. İddiaçılar Turnirində iştirakı isə onun özündən asılıdır. Maqnusla bu barədə danışmamışıq".

Qeyd edək ki, partiyalar “Bulvar Marriot” otelində oynanılacaq. Yarışlar hər gün saat 15-00-da başlayacaq.