FIDE iyulun 29-dan avqustun 25-dək Azərbaycanın paytaxtı Bakıda   keçiriləcək Dünya Kubokunda və qadınlar arasında Dünya Kubokunda iştirak edəcək  şahmatçıların ilkin siyahısını açıqlayıb. İyun ayında dərc olunacaq reytinq siyahısı əsasında hüquq qazanacaq daha bir qrup şahmatçının adı məlum olacaq.

Daha sonra iyun ayının 15 tarixlərinə Zonal və Kontinental yarışlar yekunlaşdıqdan sonra bir sıra iştirakçının adları da bizlərə  məlum olacaq.

Digər yerlər 2022-ci ildə keçirilmiş Ümumdünya Şahmat Olimpiadasının nəticələrinə əsasən müəyyən olunacaq. Bu hüquqdan yaralanmaq üçün federasiyalar öz namizədlərini 15-30 iyun tarixləri arası təqdim etməlidirlər. 

Qeyd edək ki, Dünya Kuboku FİDE-nin əsas yarışlarından biridir, son zamanlar iştirakçı sayı və coğrafiyasını (baş tutacaq Dünya kubokunda 80 ölkənin nümayəndəsinin iştirakı gözlənilir) və iştirak hüququn əldə edilməsi turnirlərinin sayını artılmaqla bu yarış daha çox izləyicini özünə cəlb edir. 

Open bölməsində 206, qadınlar bölməsində 103 şahmatçının iştirakı ilə keçirilən  və ümumi mükafat fondu 2,5 milyon ABŞ dolları olan Dünya Kuboku şahmat yarışları arasında ən böyük mükafat fonduna malikdir.

2023-cü il FİDE Dünya Kubokunun Bakıda keçirilməsi ilə bağlı rəsmi müqavilə mayın 5-də Azərbaycan Respublikasının Gənclər və İdman naziri Fərid Qayıbov, FİDE-nin prezidenti Arkadi Dvorkoviç və Azərbaycan Şahmat Federasiyasının prezidenti Mahir Məmmədov arasında imzalanıb.